Castejongo (Nafarroa) Trenasa lantegiko langileek greba mugagabea hasiko dute datorren ostiralean, urriak 2, zuzendaritzak iragarri duen itxierari eta langileen kaleratze masiboari aurre egiteko. 118 langilek dihardute soldatapean. CAF multinazionalaren filialak joan den astean jakinarazi zuen abenduan itxiko dutela planta, "lan-karga faltagatik".
Enpresak sei milioi euroko laguntza publikoak jaso zituen 2019an Nafarroako Gobernuaren partetik, Sodena sozietatearen bitartez.
