Gaur, apirilak 22, greba eguna izan da Arabako, Bizkaiko eta Gipuzkoako sektore publikoan. Milaka langilek lanuztea egin dute, "aldi baterako kontratatuen kontsolidazioa" aldarrikatzeko. Izan ere, behin-behinekotasun tasa %40ra iristen da arlo publikoan, eta asko dira lan-erregimen horretan urte ugari daramatzatenak.

Sindikatuek aditzera eman dutenez, 18.000 langilek hartu dute parte hiriburuetako mobilizazioetan, eta grebaldiak, orokorrean, "oso erantzun zabala" izan duela baieztatu dute. Hori bai, Eusko Jaurlaritzak ezarritako gutxieneko zerbitzuak direla-eta, langile askok grebarako eskubidea galdu dute gaurkoan ere; garbitzaileek eta osasungintzakoek, adibidez.