Santurtziko (Bizkaia) Eguzkilore etxe okupatuaren aurkako auzibideaz arduratu den epaileak gaurko finkatu zuen espazioaren hustea. Hala, 09:30ean bertaratzera deitu zuten Eguzkiloreko kideek, desalojoa geratzeko asmoz. Ertzaintzak goizean goiz osatu du polizia-lerroa etxe inguruan, eta 14:00ak aldera lortu dute lekua hustea.

Eraikin barruan zenbait lagun egon dira goizetik, erresistentzia egiten; han bizi izan dira azken urteetan. Desalojoa salatzera eta Eguzkiloreko kideei babesa ematera hurbildu dira, bestalde, hainbat eta hainbat lagun.

Duela 20 urte baino gehiago birjabetu zuten Eguzkilore etxea Santurtzin.