Etorkinen aurkako beste iruzur baten berri eman dute Euskal Herrian. Tuteran (Nafarroa), diru truke dozenaka errolda egin dituen gizonezko bat atxilotu dute: 30 bat pertsona migrante erroldatu zituen Erriberako etxebizitza batean, 500 euro kobratuta bakoitzari.
EITBk jaso duenez, pertsona horien zaurgarritasunaz baliatu da iruzurgilea. Alokairuan hartutako etxe batean "irregulartasunak" sumatuta abiatu zuten ikerketa poliziala, eta urtarrilaren 24an eman zuten atxiloketaren berri hainbat hedabidek.
