Margoketa faxista ugari egin dituzte Iruñean (Nafarroa) azken orduetan. Besteak beste, "Pamplona con los caídos" eta "Los caídos no se toca" mezuak irakur daitezke kaleetan, Erorien Monumentuari buruz berriki ireki den eztabaidaren harira.

Pintaketa horietako batzuk ezabatu eta estali dituzte jada. Mezu faxisten ordez, "Faxismoa borrokatu" edota "Faxismoaren aurrean, langile antolakuntza" aldarriak irakur daitezke orain.

40ko hamarkadan eraiki zuten Erorien Monumentua Nafarroako hiriburuan, Espainiako Gerra Zibilean frankismoaren alde borroka egin zuten faxisten omenez. Azkenaldian, hainbat kolektibok eta eragilek atera dute mahaira hura eraisteko beharra; esaterako, Iruñerriko Kontseilu Sozialistak.