Eraikuntzako langile bat larriki zauritu zen Barakaldon (Bizkaia) aurreko astean. Ostegunean izan zen lan-istripua, eguerdian: Ibarra kaleko etxebizitza batean ari zen lanean behargina, lan bertikalak egiten, hain justu. Orduan erori zen bosgarren solairutik, eta larriki zauritu zen. Ospitalera eraman zuten, baina oraingoz ez dute berririk eman.

Urtea hasi zenetik, Euskal Herrian gutxienez 21 langilek galdu dute bizia soldatapean lanean, lanera bidean edo lanetik bueltan.