Irunen (Gipuzkoa) langile bat hil da gaur goizean, 11:00ak aldera, obra batean soldatapean lanean ari zela. Oraindik argitu ez dituzten arrazoiak direla-eta, aldamio batetik erori da; hain justu, hirugarren solairu batetik. Kolpearen ondorioz zendu da.

45 urte zituen beharginak, eta Construcciones Arixu enpresarentzat jarduten zuen.

Urtea hasi zenetik, gutxienez bost langile izan dira soldatapean erailak Euskal Herrian; horietako hiru, altueratik jausita.