Gaur eguerdian, 12:30ak aldera, argi-mozketa erraldoiak izan dira Espainiako eta Frantziako estatuetako hainbat eremutan, baita Portugalen ere. Badirudi itzalaldiek Espainiako Estatu osoan izan dutela eragina, Balear Uharteetan eta Kanarietan izan ezik. Mozketek ondorioak izan dituzte trafikoan, ospitaleetan, lantokietan, telefono mugikorren estalduran eta Interneterako sarbidean, besteak beste.
Sare elektrikoen agentzien arabera, "itzalaldiaren jatorria aztertzen ari dira". Oraingoz, ez dute baztertzen "zibereraso" baten hipotesia.
