Joan den igandean eman genuen argitara Gedar Telebistaren Burdin Hesia programaren zortzigarren atala: Kolapso sanitarioa. Puri-purian da eztabaida: ospitaleak gain hartuta daude, osasun-langileen baldintzak gero eta gordinagoak dira, Frantziako Estatuan larrialdi-zerbitzuetara sarbidea izateko ordaindu egin beharko da... Testuinguru horretan, eta hainbat Kontseilu Sozialistak osasun sistema sozialista aldarrikatzeko elkarretaratzeak egin ostean, sistema publikoaren mugez eta osasun sistema sozialistaz aritu dira Burdin Hesia-n.

Oraingoan ere Martin Goitiandiak egin ditu aurkezle lanak, eta ondoan izan ditu, ohi bezala, lau solaskide: Manex Gurrutxaga, Maddi Sarasua, Garazi Navarro eta Txaber Altube.

Bi astean behin kaleratzen dugu Burdin Hesia programa, eta hurrengo atala urtarrilaren 30ean egongo da ikusgai.