Sexu-eraso baten berri eman dute Galdakaon (Bizkaia). Emakume batek aurreko larunbatean jakinarazi zuen gizon batek bortxatu zuela, eta egunean bertan atxilotu zuten erasotzailea. 19 urte ditu.
"Matxismoaren aurka posizionatzeko eta kaleak hartzeko unea da, erasotzaileen inpunitatea borrokatuz eta erasoen aurka antolatuz", adierazi du Hego Uribeko Itaiak. "Urgentziazkotzat" hartu du, hala, "emakume langileon babesa antolatzea eta indarkeria matxistari irmotasunez aurre egitea".
