Atzo eman zuten berria Gazte Koordinadora Sozialistak eta Ikasle Abertzaleakek: urriaren 11tik 15era bitartean egingo dute hurrengo Gazte Topagune Sozialista, Atarrabian (Nafarroa) eta Burlatan (Nafarroa). Ohi bezala, funtsezko zenbait auzi politiko lantzeko hitzaldiak eta mahai-inguruak antolatuko dituzte Topagunerako, baita aisialdiko eskaintza zabal bat ere. Aurrerago zehaztuko dituzte xehetasun guztiak.

Gazte Topagune Sozialistarako bono orokorrak, dena den, salgai daude jada. GKSren web-orrian (gks.eus) eskura daitezke bost egunetarako bonoak, 40 euroan. Bono orokorrak aurrez aurre erosteko aukera ere egongo da, Euskal Herri osoan zehar, tokian toki jarriko dituzte salmenta-puntu fisikoen bidez. Laster jakinaraziko dute non izango diren salgai bono orokorrak.