Europako hainbat estatutan ikusten ari ziren, azken egunetan, atxiloketak eta jazarpena Palestinako bandera erakusteagatik. Atzo arratsaldean, bada, Euskal Herrian izan zen halako egoera bat, Eibarko (Gipuzkoa) Ipurua futbol-zelaian. Partida baten erdian, harmailetatik zale bat kanporatu zuen Ertzaintzak, Palestinako bandera zeramalako.
Lehenengo, bandera ezkuta zezala exijitu zioten zaletuari ertzainek, baina hark uko egin zion horri. Orduan, zelaitik bota zuten. Ez dute argitu zer agindu izan zuen oinarritzat Ertzaintzak zalea kanporatzeko.
