Asteazkenean, hilak 20, laguntza eske zebilen emakume baten deia jaso zuten Getxoko (Bizkaia) udaltzainek, eguerdiko 13:00ak aldera. Hasiera batean egoeraren inguruan xehetasunik eman ez zuen arren, telefonoz "beldur zantzuak" nabariak zirela azaldu zuen Udaltzaingoak. Emakumeak adierazitako tokira heldu zirenean, hark jakinarazi zuen senarrak aizto handi batekin mehatxatu eta ospa egin zuela. Oldarraldiaren lekuko izan zen alabak geldiarazi zuen aita.

Handik gutxira, gertuko apustu etxe batean atxilotu zuten erasotzailea. Atxiloketaren prozedurak amaitu ostean, epailearen aurrera eraman zuten.

Beste bi eraso astelehenean

Iragan astelehenean, hilak 18, bi emakumeri eraso egin zieten haien bikotekideek, Gasteizen (Araba). Kalean jazo ziren bi erasoak, jendaurrean.