Atzo, ekainaren 13an, lan-istripu bat izan zen Oronozen (Nafarroa), arratsaldeko 15:15ean. Asfaltatze-lanak egiten ari ziren bi langile, eta, azaldu dutenez, olio beroarekin erre ziren. Pertsona batek autoan eraman zituen Oronozko osasun-etxera, baina larriki zaurituta zeudenez, Nafarroako Unibertsitate Ospitalera lekualdatu zituzten.
Langileetako bat anbulantzian eraman zuten ospitalera, lehen graduko erredurak zituela gorputz-enborrean. Bigarrenak, berriz, besoan, bizkarrean eta lepoan zituen erredurak, eta helikopteroan mugitu behar izan zuten.
