Iganden, eraso matxista larri bat izan zen Angelun (Lapurdi), Butteaux-Cailles barrutian: emakume bat hiltzen saiatu zen bere bikotekide ohia. Arratsaldeko 17:00ak aldera gertatu zen: emakumea kotxez harrapatu zuen gizonak, nahita, anaiarekin zebra-bide bat gurutzatzen ari zela. Biak larriki zauritu zituen, eta Baionako (Lapurdi) ospitalera eraman behar izan zituzten. EITBren arabera, "egoera kritikoan" zegoen 44 urteko andrea.
Egun berean atxilotu zuten 39 urteko erasotzailea, eta hilketa saiakeragatik ireki du ikerketa fiskaltzak. EITBk jaso duenez, indarkeria matxistari lotutako aurrekariak ditu.
